Aktuelt »
Idrettshall Vikedal, Sandeid og Imsland - første spadestikk unnagjort »
I dag, onsdag 01.09.10, er ein stor dag for bygdene Vikedal, Sandeid og Imsland. Grunnarbeidet i samband med bygging av idrettshall i Vikedal er i gong. Vikedal Mur & Anlegg, ved "pilot" Geir Gjerde (bildet), var i dag tidleg på plass med gravemaskin og tok første spadestikk av det som skal bli til ein idrettshall for bygdene Vikedal, Sandeid og Imsland rundt påsketider 2011.
Vikedal Bygdahus står som byggherre for dette prosjektet. Vikedal Ungdomslag er største andelseigar i Vikedal Bygdahus og har i tillegg støtta prosjektet med ein eingongssum på 50.000,- pluss 25.000,- i året i driftsstøtte i fire år.
Her kan du sjå fleire skisser av hallen.
Les artikkel i Grannar 02.09.10 om første spadestikk.
03.09.10: Nils Erik Eide
Vikedal Ungdomslag startar opp med barnerevy »
 I haust inviterar Vikedal Ungdomslag barn i alderen 1. - 7. klasse til barnerevy. Torsdag 02.09.10 vert det informasjonsmøte på Vikedal Bygdahus klokka 16.30. Innleigd instruktør er Ingrid Marie Dale, ein røynd person i teatermiljøet. Sjølve framsyninga av det som blir produsert er tenkt til slutten av november.
Påmeldingsavgift er kroner 300,- per deltakar (250,- for medlemmer av VUL).
Påmelding til:
- Gro Anett E. Leifsen: 95929916
- Kari Skogen: 95150434
Dette blir gøy!
Last ned plakaten her.
25.08.10: Nils Erik Eide
Vellukka Zporty-disko »
 Vikedal Ungdomslag arrangerte, sin vane tru, Zporty-disko på Vikedal Bygdahus tysdag 13.07.10. Som ein fast del av programmet til Zportyfestivalen arrangerer V.U.L barne - og ungdomsdisko.
Det møtte ca 100 barn og unge denne kvelden. Arrangementet var nok ein gong ein suksess - det var god stemning med massa bra musikk av DJ Even samt leikar og konkurransar.
Ungdomslaget arrangerer sjølvsagt Zporty-disko også neste år. Me gler oss!
14.07.10: Nils Erik Eide
Ungdomslaget på Facebook »
 Nå har Vikedal Ungdomslag fått eiga side på Facebook. Her vil du finna informasjon om ulike arrangement og anna viktig stoff. Her kan også medlemmer og andre skriva inn tips og meldingar direkte til styret. For å bli medlem klikk her.
Vikedal Ungdomslag set pris på alle som blir medlemmer.
29.06.10: Nils Erik Eide
Vikedal Ungdomslag arrangerer Zporty-disko »
Tysdag 13.07.10 arrangerer Vikedal Ungdomslag diskotek for barn og unge under Zporty-festivalen. Frå klokka 19.00 - 21.00 er det for 1-4. klasse, og frå 21.00 - 23.00 er det for 5. klasse og oppover. Det kostar 50 kroner å koma inn. Det vert topp musikk og konkurransar. Arrangementet skal skje på Vikedal Bygdahus.
Her kan du lasta ned plakaten for arrangementet.
MØT OPP!
29.06.10: Nils Erik Eide
V.U.L fekk driftstilskot frå kommunen »
Vikedal Ungdomslag fekk i nyleg kroner 10.000,- i driftstilskot frå Vindafjord kommune. Vikedal Ungdomslag får desse pengane for sin store innsats for aktivitet og engasjement for barn og unge.
Me takkar for støtta. Den kjem godt med.
29.06.10: Nils Erik Eide
St. Hans feiring på Vikedal motorbane »
Vikedal Ungdomslag i samarbeid med Midtbygden Ungdomslag arrangerer St. Hans feiring på Vikedal motorbane onsdag 23. juni klokka 18.30. Ta med grillmat - me held varme grillar.
Her ser me bålet frå fjorårets StHans feiring på Vikedal motorbane
Det blir aktivitetar for store og små.
NB: Vêrforbehold!
Last ned plakaten her
05.06.10: Nils Erik Eide
"Mentor" - eit nytt spanande prosjekt frå V.U.L »
Vikedal Ungdomslag har eit nytt spanande prosjekt på gong. Dette prosjektet kallar dei for "Mentor" - det er eit opplegg som skal følgja opp eit lokalt band på alle måtar slik at dei får lyst til å satsa på musikken sin. Vikedal Ungdomslag har peika ut bandet som dei skal vera mentor for. Det vil koma i gong utover sommaren/hausten 2010.
V.U.L vil i dette prosjektet leggja til rette for ulike område for dette bandet. Det er sjølvsagt eit samarbeid med foreldra. Ein stiller til disposisjon øvingslokale, PA-anlegg, ordnar med kursing, leggjer til rette for spelejobbar og alt anna som har med papirarbeid å gjera. V.U.L vil på mange måtar fungera som ein manager for denne talentfulle gjengen.
Målet er at me skal fostra eit nytt lokalt band ala Pakkers.
06.05.10: Nils Erik Eide
Vikedal Ungdomslag startar barnerevygruppe »
Det vert høve for barn i aldreren 1. - 7. klasse å få vera med på barnerevy i regi av Vikedal Ungdomslag. Planen er å setja opp denne revyen hausten 2010.
Tysdag 25.05.10 vil det vera eit "hjernedugleiksmøte" rundt dette. Det vil koma meir informasjon om dette. Følg med på heimesida vår.
06.05.10: Nils Erik Eide
Rogaland Ungdomslag består »
 På årsmøtet til Rogaland Ungdomslag i Ølen 23.03.10 blei det ikkje vald ny leiar etter Audun Emil Fatland, som gir seg som leiar etter nokre år i førarsetet.
Styret bestemte seg difor for å kalla inn til ekstraordinært årsmøte i Hagesund, torsdag 15.04.10 for å avklara om Rogaland Ungdomslag skal bestå eller leggjast ned.
Leiar i Vikedal Ungdomslag Gro Anett E. Leifsen og nestleiar Nils Erik Eide møtte på dette årsmøtet for å formidla Vikedal Ungdomslag sitt syn på saka. På styremøte i V.U.L. 13.04.10 blei styret einige om at RU må bestå.
Etter ein god diskusjon, der konklusjonen blei at RU skal bestå, tok Bente Kleppe (Ølen Ungdomslag) på seg vervet som leiar i RU i eitt år. Nils Erik Eide frå Vikedal Ungdomlsag vert leiar etter Bente Kleppe. Dette var kompromesset for i det heile tatt å få på plass ein leiar i RU.
Les årsmeldingar og innkalling til det ordinære årsmøtet i RU her.
15.04.10: Nils Erik Eide
Vikedal Ungdomslag ønskjer nye medlemmer velkomne »
 Vikedal Ungdomslag er eit aktivt lag som driv ulike aktivitetar for store og små. Det er difor viktig at me får auka medlemsskaren vår. Me håpar at fleire vil bli medlem slik at me kan driva aktivt for bygda framover også.
For å bli medlem treng du kun klikke her eller på fana øverst som heiter"Bli medlem?" og lese deg fram til korleis ein gjer det.
Me håpar også at eksisterande medlemmer kan gå inn og fornye sitt medlemsskap på same måten.
På førehand takk for hjelp, støtte og medlemsskap.
25.03.10: Nils Erik Eide
Årsmøtet for 2009 vel gjennomført »
 Onsdag 10.02.10 avholdt Vikedal Ungdomslag årsmøte for 2010. Det var ca 10 personar som møtte, og dei kunne kosa seg med nydelege smørbrød levert av Vikedal Vertshus.
Etter mange år som medlem i styret, valde Svein Bjarte Holten (bildet) å gå ut av styret. Han held likevel fram som lydansvarleg, noko styret i V.U.L er veldig glade for. Tone Helen Haugland erstattar kasserarvervet til Holten i styret.
Gina Heggebø og Ingebjørg Rullestad Gjerde tok ikkje gjenval. Ny inn i staden for Gina Heggebø vart Even Opsal.
Gro Anett Espevoll Leifsen tok gjenval som leiar.
Her kan du sjå kven som dannar det nye styret for Vikedal Ungdomslag 2010.
Les årsmeldinga her.
13.02.10: Nils Erik Eide
V.U.L ut av styringsgruppa for Zetlitz-spelet 2011 »
 Styret i V.U.L vedtok på styremøte 14.01.10 å trekkja seg frå styringsgruppa for Zetlitz-spelet.
Les meir her.
20.01.10: Nils Erik Eide
V.U.L held revyfest for "Splitter Pine" - ensemblet 2009 »
Laurdag 6. februar inviterar styret i Vikedal Ungdomslag ensemblet som var med på revyen "Splitter Pine...." nov/des 2009 til revyfest på Vikedal Vertshus.
Her skal gjengen få sjå revyen på DVD samt bli servert god mat laga av Vertshuset. Det bli sjølvsagt også god tid til å mimra om tida som var.
Her kan du lesa invitasjonen.
20.01.10: Nils Erik Eide
Vikedal Ungdomslag gir 50.000,- i gåve til idrettshall »
I Vikedal skal det byggjast idrettshall. Det er Vikedal Bygdahus som vert byggherre, og eigar. Vikedal Ungdomslag er den største andelseigaren i bygdahuset, og har vedteke å støtta prosjektet med heile 50.000 kroner i gåve.
I tillegg skal ungdomslaget leiga hallen for kroner 25.000,- kvart år når hallen står ferdig.
Her kan du sjå fleire skisser av hallen.
14.01.10: Nils Erik Eide
Velkommen til årsmøte for året 2009 »
Vikedal Ungdomslag inviterar til årsmøte for 2009, onsdag 10.02.10 klokka 19.30 på Musikkloftet (oppe på Røde Kors huset) i Vikedal.
Venlegast send inn saker på post@vikedal-ungdomslag.no innan utgangen av måndag 08.02.10.
Les meir her.
06.01.10: Nils Erik Eide
"Snipp, snapp, snute....." »
"......så var eventyret ute!"
Jarle N. Åsheim (t.v.) og Tor Magne Kili hausta stor applaus for sin imitasjon av Nils Georg og Anniken (frå Valsen's Frokost TV)
Lørdag 28.11.09 viste Port Salutt julerevyen for siste gong føre ein fullsatt sal med festkledde sambygdingar (Vikedal, Sandeid og Imsland). Ensemblet var i storform, og spelte frå si beste side.
Gratulerar med tre flotte framsyningar av julerevyen 2009. Då er det berre å bretta opp ermane og starte planen fram mot neste julerevy i 2011 (om ikkje før?).
29.11.09: Nils Erik Eide
Suksess med ungdomsrevy »
 Fredag 27.11.09 inviterte Vikedal ungdomslag til ungdomsrevy. Revygruppa Port Salutt viste først revyen "Splitter Pine - det går så det grine"; denne var for folk i alle aldrar. Det møtte heile 300 personar til revyen.
Etterpå spelte revybandet Port Salutt Band (bildet) opp til dans for aldersgruppa 12 - 18 år. Fleire av ungdommane som var på revyen valde å stoppa igjen til denne dansen. Då Port Salutt Band tok deg ein velfortent pause, fekk ungdommane høyre musikk av det lokale ungdomsbandet Icebreaker. Det var populært.
Alt i alt ein velukka kveld!
Laurdag 28.11.09 er det duka for nok ein heilaften med julemat, revy og dans med Uthuset. Då er aldersgrensa 18 år.
28.11.09: Nils Erik Eide
"Splitter Pine..." fekk gode kritikkar i lokalavisa »
Lokalavisa Grannar anmelde måndag 23.11.09
julerevyen "Splitter pine - det går så det grine". Dei hadde berre gode ord å seia om premieren, som gjekk av stabelen lørdag 21.11.09 til fulle hus.
Les artikkelen, som er skriven av Grethe Hopland Ravn, her.
25.11.09: Nils Erik Eide
Vellukka premiere på revyen "Splitter Pine.... »
 Lørdag 21.11.09 hadde Vikedal revygruppe Port Salutt premiere på julerevyen "Splitter Pine - det går så det grine". Fullt hus og stormande jubel. Frå første sketsj var stemninga i taket blant dei festkledde gjestene, som før revyen blei servert nydelig julemat laga av Vikedal Vertshus.
Etter revyen var det dans med revyorkesteret Port Salutt Band.
For dei av dykk som ikkje hadde sjans til å gå på premieren, er det nyjulebordsrevy lørdag 28.11.09. Før det er det mogleg for alle aldrar å sjå revyen på Ungdomsrevy fredag 27.11.09. Då viser Port Salutt først revyen, deretter vert det sans for aldersgruppa 12-18 år.
Vel blåst Port Salutt!
22.11.09: Nils Erik Eide
Endeleg er kvelden komen »
 Torsdag 19.11.09 gjennomførte revygruppa ein vellukka generalprøve på revyen "Port Salutt - det går så det grine". For ein utsolgt sal i kveld (lørdag 21.11.09) skal ensemblet til revygruppa Port Salutt endeleg få lov til å framføra det dei har jobba hardt med i tre månader. Det er god stemning blant revygjengen, som berre gledar seg til å få vist fram sitt produkt for eit festkledd publikum.
Når det gjeld neste lørdag, 28.11.09, er det framleis billettar å få kjøpt; over hundre er solgt, så det er på god veg til å bli utsolgt. For dei som har planar om å delta på denne julebordskvelden, må de kjøpa billettar så fort som råd.
På begge julebordskveldane opnar me opp dørane for folk utanfrå til dansen. Det kostar 100 kroner.
"Break a leg!", Port Saluttar...
21.11.09: Nils Erik Eide
Port Salutt inviterar til julerevy på Facebook »
Som eit ledd i marknadsføringa til den komande julebordsrevyen i regi av Vikedal Ungdomslag, er det oppretta ein "event" på Facebook.
Per dags dato har over 100 personar sagt "ja" til invitasjonen.
Minnar om billettar som ligg ute for sal ved COOP Marked Vikedal og Joker Vikedal. Billettane minkar; løp og kjøp! Dette gjeld for framsyningane 21. - og 28.11.09.
Når det gjeld billettar til ungdomsrevyen,fredag 27.11.09, blir det sal ved inngang.
Ta turen innom Facebook og klikk "ja" til julerevyen 2009 "Splitter Pine, det går så det grine".
13.11.09: Nils Erik Eide
Vikedal Ungdomslag direkte på NRK Rogaland »
 Torsdag 19.11.09 skal representantar frå revygruppa Port Salutt bli intervjua på direkten på NRK Rogaland si ettermiddagssending. Det er 10-årsjubileum for revygruppa og dette vil lokalradioen laga ei sak på.
Skru på radioen, NRK Rogaland, torsdag 19.11 frå klokka 17.00 og utover.
13.11.09: Nils Erik Eide
Ungdomsrevy fredag 27.11.09 »
Me i revygruppa har bestemt oss for å byte søndagsrevyen ut med ungdomsrevy. Denne framsyninga er open for alle aldrar, og blir sett opp fredag 27. november klokka 20.00. Etterpå spelar revyorkesteret vårt, Port Salutt Band, opp til dans.
Aldersgrense er 8. klasse og oppover til og med 17 år.
Pris for berre revy: kr. 150,-
Pris for revy og dans: kr. 200,-
Velkommen!
Helsing Revygruppa Port Salutt
03.11.09: Gro Anett Espevoll Leifsen
Revygruppa Port Salutt inviterar til nok ein julerevy »
 Vikedal revygruppe, "Port Salutt", er klar med sin femte revy sidan oppstarten i 2000. Revyen heiter "Splitter pine, det går så det grine" og skal ha premiere laurdag 21.11.09 med 2. - og tredje framsyning helga etter. Begge laurdagane vert det julebordsrevy med nydelig julemiddag, laga av Vertshuset, revy og dans. Søndag 29.11 vert det mogleg for heile familien å sjå revyen.
Billettar er no lagt ut for salg ved Joker Vikedal og COOP Mega Vikedal.
Last ned plakaten her.
(skriv den gjerne ut og heng den opp på ei oppslagstavle nær deg!)
25.10.09: Nils Erik Eide
Vikedal Bygdahus feirar med fest »
 Vikedal Bygdahus feirar 10 år, laurdag 24. oktober 2009.
Les heile saka på vikedal.no her.
21.10.09: Nils Erik Eide
Revybillettar blir snart lagt ut »
Julebordsrevyen nærmar seg; premiere lørdag 21.11.09. Det vert også julebordsrevy lørdagen etter, 28.11.09.
Vikedal Ungdomslag legg snart ut billettar til sals på Joker og COOP.
Pris: 450 kroner.
Følg med på www.vikdal-ungdomslag.no for meir info.
Løp og kjøp!
16.10.09: Nils Erik Eide og Gro Anett Espevoll Leifsen
Revymøtet flytta til Røde Kors huset »
Revymøtet torsdag 01.10.09 klokka 19.00 blir på Røde Kors huset i Vikedal. Dette grunna dobbeltbooking på Vikedal Bygdahus.
Velkommen!
28.09.09: Nils Erik Eide
Revygruppa godt i gong med arbeidet »
I kveld har revygruppa Port Salutt gjennomført det andre revymøtet i samband med julerevyen 2009 på Vikedal Bygdahus.
Mykje gode idear og skisser blei til på kveldens møte. Til og med nokre nye fjes frå sist gong. Det er bra.
Neste revymøte re torsdag 01.10.09 klokka 19.00 på Vikedal Bygdahus. Alle er velkomne!
Helsing: Gro Anett, Nils Erik, Svein Bjarte (leiargruppa revy)
23.09.09: Nils Erik Eide
NB: endringar i datoar for julebordsrevyen 2009 »
Tidlegare har Vikedal ungdomslag, ved revygruppa Port Salutt, annonsert at årets julebordsrevy skal gå av stabelen 05.12.09, med framsyningar helga etter.
NB: det gjeld ikkje lengre. Viktige grunnar har gjort at styret har måtta flytta arrangementet til dei to siste helgene i november. Altså: årets julebordrevy har premiere LAURDAG 21.11.09 med framsyningar helga etter. Venlegast sprei ryktet.
17.09.09: Nils Erik Eide
Vellukka oppstartsmøte revy »
Torsdag 17.09.09 starta arbeidet med å fåt il julebordsrevy i Vikedal. Revygruppa til Vikedal ungdomslag, Port Salutt, inviterte til oppstarts-møte på Vikedal Bygdahus. Om lag 15 personar møtte, og det kom fram masse gode idear som det kan jobbast vidare med.
Neste møte vert onsdag 23.09.09 klokka 19.00. Det er ennå sjans til bli med - møt opp på Vikedal Bygdahus og bli med på noko kjekt!
Helsing: Gro Anett, Nils Erik, Svein Bjarte (leiargruppa revy)
17.09.09: Nils Erik Eide
Oppstartsmøte revy »
Nå er hausten i gong og me må for alvor byrje å planlegga revy.
Me har fleire brak-suksessar bak oss, og for å få til nok ein inner-tier treng me deg på laget...
Møt opp torsdag 17. september 19.00 på bygdehuset i Vikedal.
Det blir servering.
Helsing:Gro Anett, Nils Erik, Svein Bjarte
06.09.09: Nils Erik Eide
Revyseminar avlyst »
Det planlagde revyseminaret som skulle ha vore helga 21. - 22. august er dessverre avlyst grunna sjukdom og andre fråfall. Revygruppa satsar då på eit lite dagsseminar i Vikedal om litt.
20.08.09: Nils Erik Eide
Vikedal Bygdahus feirar 10 år »
I år er Vikedal Bygdahus 10 år, og det skal markerast med ein jubileumsfest lørdag 24. oktober 2009. Vikedal Ungdomslag er den største andelseigaren i bygdehuset, så vårt lag vil nok bli engasjert i både planlegging av - og deltaking på festen.
Me gratulerer Vikedal Bygdahus med 10 år.
16.08.09: Nils Erik Eide
Revyseminar 21. - 22. august »
Helga 21. - 22. august reiser styringsgruppa i Port Salutt til Sand for å leggja ein kjøreplan for arbeidet fram mot julebordsrevy 2009. Premieren er sett til laurdag 5. desember.
Etter dette seminaret startar arbeidet for fullt med å få til ein ny julebordsrevy i Vikedal. Så spørs det då om ein klarar å følgje opp suksessen frå 2007 - Du & Gna gjer bygda glad! (bildet)
24.07.09: Nils Erik Eide
Kaptein Hjørnetann svikta ikkje »
 Sjølv om veret ikkje var bra, svikta ikkje den trufaste Kaptein Hjørnetann og medhjelparane Klysa og Hysa alle dei frammøtte barna under fiskefestivalen i Vikedal lørdag 18.07. Dei delte ut gullpengar og stilte seg villig opp til fotografering saman med barna.
Men, ikkje alle fall i smak hjå Kaptein Hjørnetann; Ove Rocketroll, som underholdt med eit forykande show, måtte gå planken fordi Kaptein Hjørnetann følte seg trua av Ove Rocketroll. "Han var så flink at me måtte kjøla han ned" sa Hjørnetann etterpå.
20.07.09: Nils Erik Eide
Suksess med Zporty-disko »
 Det møtte over 100 barn og unge på Zporty-diskoen som Vikedal Ungdomslag arrangerte tysdag 14.07.09. Det var mykje god danse-musikk, som fekk fram dansegleda hos dei oppmøtte. Det vart arrangert fleire ulike konkurransar, der limbodansing var den mest populære.
Det var eit vellukka arrangement, og ungdomslaget er også neste år klar med Zporty-disko.
15.07.09: Nils Erik Eide
Kaptein Hjørnetann til Sommarfestivalen i Vikedal ? »
 Kvart år har Kaptein Hjørnetann tatt turen inn til Vikedal under Sommarfestivalen. Kjem han på laurdagen (18.07) i år også, mon tru?
Møt opp så kan det hende Vikedal Ungdomslag har invitert han også i år. Då har han kanskje med gullpengar av sjokolade og slikkepinnar til dei små. Sommarfestivalen vert arrangert 17. - 19. juli.
15.07.09: Nils Erik Eide
V.U.L bygger Dirt Jump bane i Vikedal »
 I desse dagar er Vikedal Ungdomslag i gong med å lage Dirt Jump bane ved idrettsanlegget i Vikedal. Primus Motor Morten Skeie køyrer sjølv gravemaskinen som skal forme denne banen. Ungdomslaget fekk for ei lita tid tilbake 10.000 kroner frå Haugaland Kraft sitt ungdomsfond i tilskot til dette arbeidet. Morten Skeie, som sit i styret i V.U.L, har inspirert mange ungdommar i Vikedal til å drive med Dirt Jump. Planen er å få banen i sving til Zporty-festivalen 2009. Om ikkje så lenge er Vikedal Ungdomslag klar med nok ein aktivitet for barn og unge i bygda.
Her kan du sjå kva ein Dirt Jump bane er.
12.07.09: Nils Erik Eide
Vil du vera med på revy til hausten? »
Til hausten set Vikedal Ungdomslag si revygruppe, Port Salutt, i gong med arbeidet med ein ny revy. Det blir same konseptet som ein har hatt dei siste gongene med julebordsrevy. Premieredato er sett til lørdag 05.12.09. Helga etter vert det julebordsrevy på lørdagen (12.12.09) og familieframsyning på søndagen (13.12.09).
Me set i gong med skriving og øving like over sommarferien.
Me har lyst at alle skal få muligheiten til å delta, dersom dei har lyst. Så, vil du vera med og spele/skrive/snekre/sy e.l., send oss ein e-post på post@vikedal-ungdomslag.no eller ring/send SMS til 488 90 855.
Les meir om revygruppa Port Salutt her.
27.06.09: Nils Erik Eide
Vellukka St. Hans feiring på Vikedal motorbane »
Vikedal - og Midtbygden Ungdomslag kan sjå tilbake på ei vellukka Jonsokfeiring på Vikedal motorbane. Det møtte mange personar for å feira denne kvelden saman. Ungdomslaga hadde ulike aktivitetar for store og små med flotte premiar som Joker Vikedal og COOP marked Vikedal hadde sponsa. Folk såg ut til å kosa seg denne flotte junikvelden på Vikedal motorbane.
Kvelden vart runda av i 22 tida med eit flott bål på parkerings-plassen.
23.06.09: Nils Erik Eide
Premieredato på julebordsrevyen 2009 fastsett »
 Revygruppa til Vikedal Ungdomslag, Port Salutt, skal nok ein gong arrangera julebordsrevy. Det blir den femte i talet. Dei skal følgje opp suksessrevyen "Du & Gna gjer bygda gla", som blei spela for fulle hus i 2007. Premieredatoen er sett til lørdag 05.12.09. Helga etter vert det julebordsrevy på lørdagen (12.12.09) og familie-framsyning på søndagen (13.12.09).
Følg med på www.vikedal-ungdomslag.no framover for meir informasjon om julebordsrevyen 2009.
Har du lyst å vera med på revyen vår, ta gjerne kontakt på post@vikedal-ungdomslag.no eller 488 90 855.
03.06.09: Nils Erik Eide
| 
